თბილისი, 7 იანვარი – Sputnik. საქართველოს პრემიერ–მინისტრი ირაკლი ღარიბაშვილი საშობაო ლიტურგიას სიონის ტაძარში დაესწრო.
საზეიმო ღვთისმსახურებას ასევე ესწრებოდნენ პარლამენტის თავმჯდომარე შალვა პაპუაშვილი, თბილისის მერი კახა კალაძე, აღმასრულებელი და საკანონმდებლო ხელისუფლების წარმომადგენლები.
საზეიმო წირვა მღვდელმსახურებთან ერთად სრულიად საქართველოს კათოლიკოს–პატრიარქმა ილია მეორემ ჩაატარა.
ტაძარში შეკრებილ მრევლს პატრიარქის საშობა ეპისტოლე გააცნეს.