რა ვითარებაა საქართველოს საავტომობილო გზებზე: ბოლო მონაცემები

უამინდობის გამო საავტომობილო გზების ზოგ მონაკვეთებზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა.
Sputnik
თბილისი, 7 იანვარი - Sputnik. რთული მეტეოროლოგიური პირობების გამო საქართველოს საერთაშორისო მნიშვნელობის საავტომობილო გზებზე შეზღუდვებია დაწესებული.
საავტომობილო გზების დეპარტამენტის ინფორმაციით, თოვის და ქარბუქის გამო მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.
ინტენსიური თოვისა და ლიპყინულის გამო მისაბმელიანი და ნახევრადმისაბმელიანი ავტოტრანსპორტის მოძრაობა აიკრძალა სურამის კვანძი-საქასრიას (თბილისი–სენაკი–ლესელიძის საავტომობილო გზის 132–163-ე კმ) მონაკვეთზეც.
გზის დანარჩენ მონაკვეთებზე ავტოტრანსპორტის მოძრაობა თავისუფალია.