გორში მიუსაფარი ძაღლებისთვის სახლები დადგეს - ფოტო

თბილისი, 31 დეკემბერი – Sputnik. გორში მიუსაფარი ძაღლებისთვის ხის სახლები დადგეს -ინფორმაციას გორის მუნიციპალიტეტის მერია ავრცელებს.

ამიერიდან მიუსაფარი ცხოველები ზამთრის სუსხიან დღეებსა და ღამეებს თბილ „ბუნაგებში“ გაატარებენ, აღნიშნეს მუნიციპალიტეტში.

ამ ეტაპზე სახლები ძაღლებისთვის ქალაქის 17 ლოკაციაზე განთავსდა.

„მიუსაფარი ცხოველების პრობლემის მოგვარებაზე გორის მერიაში და ქართლის ინტერმუნიციპალურ სააგენტოსთან ერთად, აქტიურად თანამშრომლობს არასამთავრობო ორგანიზაციებთან გრძელვადიან სტრატეგიაზე, რათა ჰუმანური გზებით მოხდეს მიუსაფარი ცხოველების პოპულაციის შემცირება”,- აღნიშნულია ინფორმაციაში.