კადრი ფილმიდან „კოშმარი შობის წინ“
ჰელოუინის, შიშისა და კოშმარების სამყაროში ცხოვრობენ მკვდრები, მახინჯები და ურჩხულები, რომელთაც სათავეში უდგათ კოშმართა მეფე ჯეკ სკელინგტონი. შობის წინ ჯეკი შემთხვევით აღმოჩნდება შობის ქალაქში, სადაც იგებს, რომ სადღაც არსებობს სიხარული, სიკეთე და მხიარულება. მას ძალიან მოუნდება ამ გრძნობების განცდა - ადამიანებისათვის ბედნიერების მინიჭება - ამიტომ იტაცებს სანტა-კლაუსს და იკავებს მის ადგილს
კადრი ფილმიდან „ხუჭუჭა სიუ“
მოხეტიალე მატყუარა ბილ დანერსი და მისი სამეურვეო ხუჭუჭა ობოლი გოგონა ჩიკაგოს შუაგულში აღმოჩნდებიან. ამჯერად ბილს ბედმა გაუღიმა და მისი უწყინარი ტყუილის წყალობით ისინი დიდ სახლში აღმოჩნდებიან. მდიდარი ქალი ბილსა და სიუს დროებით მასთან დარჩენას სთავაზობს
კადრი ფილმიდან „სანამ გეძინა“
მორცხვობის გამო მარტოხელა ლუსის ოცნების მამაკაცის გაცნობა არ შეუძლია, არადა ის მას ყოველდღე ხედავს. ერთი შემთხვევის წყალობით ლუსი უცნობი მამაკაცის გადარჩენას შეძლებს, შემდეგ კი მთელი დღეების განმავლობაში გადარჩენილი პიტერის გვერდით იმყოფება საავადმყოფოში, სადაც მისი ოჯახის წინაშე თავს მამაკაცის საცოლედ ასაღებს
კადრი ფილმიდან „საშობაო საჩუქარი“
სამსახურში ძალიან დაკავებული მამა მუდმივად იგვიანებს ოჯახურ ღონისძიებებზე. როდესაც კიდევ ერთხელ დააგვიანა ვაჟის ვარჯიშზე კარატეზე, პირობა დადო, რომ შობას სუპერსათამაშო „ტურბომენს“ უყიდდა. თუმცა საშობაო გადარბენისას პირობა თავიდან ამოუვარდა. ამ დროს იწყება ამ სუპერსათამაშოზე ნამდვილი ნადირობა, რადგან მსურველი უამრავია, სათამაშოების რაოდენობა კი შეზღუდულია
კადრი ფილმიდან „ბრიჯიტ ჯონსის დღიურები“
ბრიჯიტ ჯონსი აწარმოებს დღიურს, სადაც აღწერს საკუთარ მიღწევებსა და გამარჯვებებს: როგორ იკლებს წონაში, იშორებს მავნე ჩვევებს, ასევე ალაგებს პირად ცხოვრებას. მშობლებს მისთვის მეზობელი ბიჭის - მარკის გარიგება სურთ, თუმცა ბრიჯიტი საკუთარ ხელმძღვანელზეა თავდავიწყებით შეყვარებული. მოულოდნელად აღმოჩნდება, რომ არჩევანი არცთუ ისე ადვილია
კადრი ფილმიდან „მარტო სახლში“
ამერიკული დიდი ოჯახი ჩიკაგოდან ევროპისკენ მიემგზავრება დასასვენებლად, თუმცა სიჩქარეში ერთ-ერთი უმცროსი ბავშვი სახლში რჩებათ. ახალგაზრდა განსაცდელს არ უფრთხის და გონებამახვილურად უმკლავდება სირთულეებს, მათ შორის სახლის გაძარცვის მსურველ ქურდებსაც
კადრი ფილმიდან „დღესასწაული“
აირის სიმპკინსი ინგლისის პროვინციაში ლამაზ კოტეჯში ცხოვრობს. მას უყვარს მამაკაცი, რომელსაც უყვარს სხვა ქალი. მისგან შორს, სამხრეთ კალიფორნიაში ცხოვრობს ამანდა ვუდსი, სარეკლამო სააგენტოს მფლობელი, რომელიც საყვარელი ადამიანის მხრიდან ღალატის შესახებ შეიტყობს. ორი სრულიად უცნობი ქალი, რომლებიც ერთმანეთისგან ათასობით კილომეტრის დაშორებით ცხოვრობენ, მსგავს სიტუაციაში აღმოჩნდებიან. ისინი პოულობენ ერთმანეთს ინტერნეტის დახმარებით, სადაც შვებულების პერიოდში ერთმანეთს სახლები უნდა გაუცვალონ. შობის დადგომამდე აირისი და ამანდა გადაწყვეტენ პრობლემებისგან დაისვენონ და ერთმანეთს ორი კვირით სახლები გაუცვალონ
კადრი ფილმიდან „12 საშობაო პაემანი“
ყოფილი მამაკაცის დაბრუნების მცდელობის ფონზე მთავარი გმირი თავად აფუჭებს ბრმა პაემანს, რომელიც ჩანიშნული ჰქონდა სიმპათიურ მაილზთან. ბედის ირონიის წყალობით ის კიდევ ერთ შანსს იღებს
კადრი მულტფილმიდან „საშობაო ისტორია“
ეს ვიქტორიანული ისტორია მოხუც და უხასიათო ძუნწ ებენეზერ სკრუჯის შესახებაა, რომელიც ერთ ღამეში განიწმინდება
კადრი ფილმიდან „საშობაო საშიში ისტორია“
უფროსკლასელები იძიებენ იდუმალებით მოცულ მკვლელობას, რომელიც შობის წინ მოხდა. ტყიდან დაბრუნებულმა ოჯახურმა წყვილმა ვაჟის საეჭვო ქცევა შენიშნა, მეორე ოჯახს დემონი კრამპუსი უთვალთვალებს, სანტა-კლაუსი კი ჩრდილოეთ პოლუსზე ზომბი-ელფებს ებრძვის
კადრი ფილმიდან „კლაუსი“
საფოსტო იმპერიის მფლობელი საკუთარ ზარმაც შვილს სასწავლად ქალაქ სმირენსბურგში აგზავნის, სადაც ახალგაზრდას მოუწევს საფოსტო განყოფილება დააარსოს და წელიწადში 6 ათასზე მეტი წერილი ჩაიბაროს და გაგზავნოს
კადრი ფილმიდან „უიღბლოების შობა“
ლუთერი და მისი მეუღლე დაიღალნენ შობით. მთელი ეს სიგიჟე, ნაძვის ხეები, საჩუქრები და შუშხუნები. წელს მათ გადაწყვიტეს დაივიწყონ დღესასწაული და კარიბის კუნძულებზე მიემგზავრებიან, თუმცა შობისგან გაქცევის მცდელობას სერიოზული შედეგები მოჰყვება...
კადრი ფილმიდან „შობა ორისათვის“
ქეითი საშობაო საქონლის გამყიდველია და უყვარს ალკოჰოლი, თუმცა ერთ დღეს ის შეხვდება ტომს, რომელიც ზღაპრულ პრინცს ჰგავს...
კადრი ფილმიდან „კრამპუსი“
რა მშვენიერი დღესასწაულია! ეს-ესაა სანტა კარზე დააკაკუნებს... თუმცა არა დღეს. მათ დაარღვიეს წმინდა წესი - იკამათეს შობას. ამისათვის მოუწევთ პასუხი აგონ კრამპუსისა და მისი დემონთა არმიის წინაშე
კადრი ფილმიდან „გიყვარდეთ კუპერები“
შარლოტამ გადაწყვიტა საშობაო სუფრასთან ოჯახის ყველა წევრი შეეკრიბა. მოხდა ისე, რომ ზუსტად წინა დღეს სტუმრები სხვადასხვა სიტუაციებში აღმოჩნდნენ: ზოგს გადახდა სასაცილო ამბავი, ზოგსაც სევდიანი, ზოგსაც საერთო აბსურდული ღამე ჰქონდა. სადღესასწაულო სუფრასთან კი ყველაფერს ფარდა აეხდება
კადრი ფილმიდან „უძინარნი სიეტლში“
გვიან ღამით რადიოში კითხულობენ ბიჭის წერილს, რომელიც დედას ეძებს. მთელ ქვეყანაში ასობით ქალი გამოეხმაურა მას, თუმცა მხოლოდ ერთ მათგანს ესმის, რომ ბავშვის მამა და ის ერთმანეთისთვის არიან შექმნილი, მიუხედავად მათ შორის დიდი მანძილისა
კადრი ფილმიდან „კარიბჭე“
ახალგაზრდა ქალი გრეისი ცოლად მიჰყვება ჟურნალისტ რიჩარდს, ახლა ის ორი ბავშვის დედინაცვალი უნდა გახდეს. ეს ყველაფერი თავად მიასა და ეიდენს საერთოდ არ ახარებთ. გრეისი არის სექტის დამფუძნებლის შვილი, რომელმაც 12 წლის წინ მასობრივი თვითმკვლელობა მოაწყო, ამიტომ ბავშვები მიიჩნევენ, რომ მამამ დედა ფსიქოპატზე გაცვალა. ერთმანეთთან უკეთ გასაცნობად რიჩარდმა გრეისი, მია და ეიდენი ცივილიზაციისგან შორს, განმარტოებით გაუშვა
კადრი ფილმიდან „შობის გადატანა“
მდიდარ დრიუს ყოველდღიური რუტინა შობის დღეს ბავშვობის სახლში აბრუნებს. მიუხედავად იმისა, რომ სახლში ახლა სხვები ცხოვერობენ, დრიუს განწყობა მაინც არ უფუჭდება
კადრი ფილმიდან „სასწაული 34-ე ქუჩაზე“
დიდი მაღაზიის მიერ გამართული აღლუმის დროს მასხიობი, რომელსაც სანტას როლი უნდა ეთამაშა, ძალიან დათვრა. აღლუმის რეჟისორი გამვლელ ასაკოვან კაცს სანტას ადგილს სთავაზობს. აღლუმის შემდეგ სამუშაო ადგილი მისი ხდება და სწორედ აქ იწყება მთელი თავგადასავალი...
კადრი ფილმიდან „გრემლინები“
ფუმფულა სათამაშო მაგვაი ქვასაც კი აუჩუყებს გულს, თანაც მას აბსოლუტური სმენა აქვს. ოღონდ ფრთხილად იყავით: მისთვის მომაკვდინებელია მზის სხივი, არ შეიძლება მისი გაწუწვა, ხოლო შუაღამით ჭამა მისთვის ნამდვილი საშინელებაა