მთელი მსოფლიო ადევნებდა თვალს დაუჯერებელ ბრძოლას, რომელიც კატარში მიმდინარეობდა. მატჩის მეორე ნახევარი მოულოდნელად 2:2 დასრულდა. დამატებით დროში მესის წყალობით არგენტინა ისევ დაწინაურდა, მაგრამ კილიან მბაპემ მაინც მოახერხა ანგარიშის გათანაბრება.
საბოლოოდ მსოფლიო ჩემპიონის ბედი პენალტების სერიამ გადაწყვიტა, მბაპემ გოლი გაიტანა მეტოქის კარში, მაგრამ ანგარიში მესიმ გაათანაბრა. მისმა თანაგუნდელებმა პაულო დიბალამ და ლეანდრო პარედესმა ასევე გამოიჩინეს თავი, ფრანგებისგან განსხვავებით. შემდეგ რანდალ კოლო მუანმა გაიტანა და სიტუაცია ოდნავ გამოასწორა, თუმცა არგენტინელმა გონსალო მონტელმა მოწინააღმდეგის კარში კიდევ ერთი ბურთი შეაგდო, რის შემდეგაც შეხვედრა არგენტინელთა გამარჯვებით დასრულდა.