ციტადელი კლდოვან მაღლობზე მდებარეობს, საიდანაც არაჩვეულებრივი ხედი იშლება
მასთან მისვლა არცთუ ისე რთულია, თბილისიდან ის რამდენიმე კილომეტრში მდებარეობს
არმაზის გადასახვევიდან უნდა გავყვეთ რკინიგზას, სადაც შეგვხვდება მოყვითალო ნიშნული
გზის სიგრძე სულ ორი კილომეტრია, თუმცა ბილიკი ტყესა და მთაში გადის, ამიტომ სასურველია სალაშქროდ მომზადება
გზა ძირითადად მდინარეს მიუყვება, ხანდახან კი კვეთს კიდეც მას. თუმცა წყალში გავლა არ გვიწევს, ვინაიდან მისი გადაკვეთა ქვებზე გადაბიჯებით არის შესაძლებელი
გზად გვხვდება ადგილები, სადაც ტურისტები ისვენებენ ხოლმე. თბილ ამინდში აქ ხშირად მართავენ პიკნიკებს
თუმცა აქაურობა ზამთარშიც ძალიან ლამაზია
ზოგიერთი ადგილი ზღაპრულ სცენებსაც მოგვაგონებს
აქ ყოველ ნაბიჯზე ვაწყდებით სანახაობრივ ხედებს
ციხისკენ მიმავალ გზაზე გვხვდება არმაზის სამონასტრო კომპლექსიც. ახლა აქ მამათა მონასტერია
აქ გარკვეული წესები მოქმედებს, რომლებიც შესასვლელში გამოკრულ დაფაზეა დატანილი
სამონასტრო კომპლექსი XII საუკუნის მეორე ნახევარში აიგო და შედგება ეკლესიისგან, სენაკებისგან, სამარხისა და სამრეკლოსგან
მონასტრის ადგილმდებარეობა ტყეს, მთებსა და წყალსაცავს შორის ამ ადგილს კიდევ უფრო ალამაზებს
არმაზის ციხის მახლობლად სხვა ღირსშესანიშნაობებსაც ვხვდებით, მაგალითად, ოლღას მონასტერს
ის ციცაბო ფერდობზე მდებარეობს. მონასტრამდე მისვლას დაახლოებით 15 წუთი სჭირდება
რკინიგზის მშენებლობისას ინჟინერმა გორნიჩმა აღმოაჩინა ნახევრად მიწაში ჩაფლული ტაძარი. ინჟინრის თვითმკვლელობის შემდეგ მისმა მეუღლე ოლღამ 1891 წელს ამ ადგილზე მონასტერი ააგო
პირველი ეკლესია ოლღას მონასტრის ადგილზე VI საუკუნეში აიგო. ის არაერთხელ დაუნგრევიათ და აღუდგენიათ. ეკლესიის უკან მდებარეობს პატარა სასაფლაო, სადაც მონაზვნები განისვენებენ
მის სიახლოვეს დგას სახლი და სენაკები, თუმცა ამ ტერიტორიაზე მოსახვედრად კურთხევაა საჭირო
არმაზის ციხისა და ორი მონასტრის ნახვა ერთ დღეში სავსებით შესაძლებელია
მთავარია მოხერხებული ფეხსაცმელი, კომფორტული სამოსი და სასუსნავების მომარაგება
სწორედ აქ შეგიძლიათ თბილისთან ძალიან ახლოს დაუვიწყარი შთაბეჭდილებებით აღივსოთ