კატარში მიმდინარე მსოფლიო ჩემპიონატზე კვირას ბელგიის ნაკრები მაროკოსთან დამარცხდა, რასაც ბრიუსელის ცენტრში ქაოსი და არეულობა მოჰყვა.
„ჯერ კიდევ მატჩის დასრულებამდე ათობით ადამიანი პოლიციასთან დაპირისპირებას ცდილობდა, რითაც საზოგადოებრივი უსაფრთხოება ირღვეოდა“, – ნათვქამია ბრიუსელის პოლიციის განცხადებაში.
მობილიზებული იყო დაახლოებით ასი პოლიციელი, საზოგადოებას კი აფრთხილებდნენ, თავი აერიდებინათ ქალაქის ცენტრის გარკვეული უბნებისთვის. მეტროს სადგურები დაიკეტა, ქუჩები კი დაიბლოკა.
პოლიციამ დააკავა 11 ადამიანი, ერთ-ერთი მათგანი კვლავ იზოლატორში იმყოფება.