თბილისი, 9 ნოემბერი — Sputnik. საბერძნეთის დედაქალაქ ათენში საყოველთაო გაფიცვის მონაწილეთა მსვლელობის დროს მასობრივი არეულობა მოხდა, იუწყება სააგენტო РИА Новости.
სინტაგმის მოედანზე, პარლამენტის წინ ნიღბიანი ანარქისტების ჯგუფმა პროვოკაცია მოაწყო. მათ პოლიციას დაუშინეს ქვები და ბოთლები აალებადი ნივთიერებით. პოლიციამ, თავის მხრივ, გაზი და შუქხმოვანი ყუმბარები გამოიყენა.
მომიტინგეებმა დატოვეს მოედანი, რადგან ცრემლსადენი გაზის გამო სუნთქვა შეუძლებელი იყო. აქციის დროს ანარქისტები მოედანზე ჩაქუჩებს ურტყამდნენ ბორდიურებს, მარმარილოს ფილებს, პოლიციელებს ნამსხვრევებს ესროდნენ, წვავდნენ ნაგვის ურნებს.
გავრცელებული ინფორმაციით, არეულობაში რამდენიმე ათეული ადამიანი მონაწილეობდა. მათ ქუჩებში გადაყარეს ფურცლები წარწერით „არა კაპიტალის სახელმწიფოს“.