ანაკლიის სანაპიროს შტორმის შემდეგ ასუფთავებენ – ფოტო

თბილისი, 15 ოქტომბერი – Sputnik. ზუგდიდის რაიონის დაბა ანაკლიაში შტორმით დაბინძურებული სანაპირო ზოლის გაწმენდის სამუშაოები აქტიურად მიმდინარეობს – ადგილზე მობილიზებულია სპეციალური ტექნიკა.

ზუგდიდის მუნიციპალიტეტის მერი მამუკა წოწერია თავის მოადგილე მაიზერ ნანავასთან და შესაბამისი სამსახურის წარმომადგენლებთან ერთად სამუშაო პროცესს ადგილზე გაეცნო.

უხვმა ნალექმა ზუგდიდის რაიონში პრობლემები შექმნა, ამიტომ აღდგენითი სამუშაოები ახლაც მიმდინარეობს.

როგორც ადგილობრივ მუნიციპალიტეტში აღნიშნეს, გაწმენდითი სამუშაოები უახლოეს დღეებში დასრულდება.

მერმა გაწმენდის პროცესში მონაწილეობისთვის მადლობა გადაუხადა კომპანიებს: „კეთილმოწყობის ცენტრი“ და „ზუგდიდდასუფთავება“.