თბილისი, 5 ოქტომბერი — Sputnik. პარლამენტის საპროცედურო საკითხთა და წესების კომიტეტმა გენრიეტა წიწავას სადეპუტატო უფლებამოსილების ცნობის საკითხს ერთხმად დაუჭირა მხარი, ნათქვამია პარლამენტის ვებ-გვერდზე გამოქვეყნებულ განცხადებაში.
წიწავა საკანონმდებლო ორგანოში დაიკავებს თამარ ტალიაშვილის ადგილს. ევროპის საბჭოში ელჩად დანიშვნის გამო ტალიაშვილს სადეპუტატო უფლებამოსილება ვადაზე ადრე შეუწყდა.
ტალიაშვილი მეათე მოწვევის პარლამენტში მმართველი პარტია „ქართული ოცნება - დემოკრატიული საქართველოს“ პარტიული სიით აირჩიეს. შესაბამისად, მის ადგილს პარტიული სიის შემდეგი ნომერი დაიკავებს.