მაჰსა ამინი 13 სექტემბერს თეირანში მორალის პოლიციამ დააკავა და პოლიციას დაქვემდებარებულ ცენტრ „ფარაჯას“ ერთ-ერთ განყოფილებაში წაიყვანა განმარტების მისაღებად. მოგვიანებით პოლიციაში განაცხადეს, რომ გოგონას მოულოდნელად გულის შეტევა დაემართა და ის საავადმყოფოში გადაიყვანეს. სამი დღის შემდეგ, 16 სექტემბერს ის გარდაიცვალა.
ირანის პრეზიდენტმა იბრაჰიმ რაისიმ შინაგან საქმეთა მინისტრს დაავალა სასწრაფოდ გამოიძიოს მაჰსა ამინის გარდაცვალების მიზეზი და დეტალები. პრეზიდენტმა დაღუპულის ოჯახს დაურეკა და მიუსამძიმრა.