პრინცი ჩარლზი დიდი ბრიტანეთის ახალი მეფე გასულ ხუთშაბათს გახდა, მას შემდეგ, რაც დედოფალი ელისაბედ II გარდაიცვალა.
სამეფო ტახტის ოფიციალურად გადაცემის ცერემონია ტახტის მემკვიდრეობის საბჭოზე ლონდონში, სენ-ჯეიმსის სასახლეში გაიმართა.
ტრადიციულად საბჭო იკრიბება მონარქის გარდაცვალების მეორე დღეს, თუმცა ამჯერად კორონაცია ერთი დღით გადაიდო, ვინაიდან დედოფლის გარდაცვალების შესახებ საღამოს გახდა ცნობილი.