როგორ გავიგოთ, იტყუება თუ არა ბავშვი? ნიშნები და მიზეზები

თბილისი, 8 სექტემბერი − Sputnik. მშობლები ყურადღებით უნდა იყვნენ შვილების მიმართ, რათა დროულად შეამჩნიონ, რომ რაღაც ისე ვერ არის და შვილმა მათი მოტყუება დაიწყო, აცხადებენ ფსიქოლოგები.

მათი თქმით, არსებობს მოსაზრება, რომ გარკვეულ ასაკამდე (3-4 წლამდე) ბავშვები არ იტყუებიან, რადგან არ ესმით, რა არის ტყუილი. მაგრამ როდესაც წამოიზრდებიან, მშობლებისგან რაღაცის დამალვას, მათ „გაცურებას“ ცდილობენ, რათა დასჯა ან გაწყრომა აიცილონ თავიდან.

სპეციალისტებმა რამდენიმე ნიშანი ჩამოთვალეს, რომელთა მიხედვითაც მარტივად შეიძლება დადგინდეს, ცრუობს თუ არა ბავშვი.

აღსანიშნავია, რომ თუ ბავშვს საკუთარი ტყუილისა სცხვენია ან ეშინია, შესაძლოა ტემპერატურამაც კი აუწიოს 1–1,5 გრადუსით.

როგორ გავარკვიოთ, არის თუ არა სტრესის საფუძველი ტყუილი? ამის ახსნა ერთი სიტუაციის მაგალითზე შეიძლება:

ვთქვათ, სკოლაში დაგიბარეს, რადგან თქვენმა შვილმა ფანჯარა ჩაამტვრია. თქვენ ბრაზობთ, ბავშვს კიცხავთ, უყვირით. ის გეუბნებათ, რომ მომხდარში დამნაშავე არ არის, მაგრამ არ უჯერებთ. ისიც ნერვიულობას იწყებს და ამ დროს შეიძლება სიცრუის ყველა ნიშანი გამოავლინოს.

მაგრამ ნუ იჩქარებთ დასკვნების გაკეთებას. უბრალოდ დაამშვიდეთ ბავშვი, აუხსენით, რომ არაფერი საშინელი არ მომხდარა, რომ ყველაფერში გაერკვევით. ესაუბრეთ ასე მშვიდად 7-10 წუთის განმავლობაში.

თუ ამ ხანში ბავშვი დამშვიდდა და საუბარი დაგიწყოთ, იცოდეთ, რომ ფანჯრის ჩამტვრევაში დამნაშავე არ არის (ალბათობა 99%). ხოლო თუ 10 წუთის შემდეგაც ისევ პანიკაშია და ტყუილის ზემოთ ჩამოთვლილ ნიშნებს ავლენს, მაშინვე შეუდექით მინის ძებნას ჩამტვრეულის ადგილზე ჩასასმელად.

ფსიქოლოგები რამდენიმე ძირითად მიზეზს გამოყოფენ. ესენია:

ფსიქოლოგები მშობლებს უპირველესად ურჩევენ, კი არ გაწვრთნან შვილები, არამედ აღზარდონ.

აღზრდა − ეს ბავშვთან ხშირი ურთიერთობა, მასთან საუბარი, გარკვეული ცხოვრებისეული განმარტებების მიცემაა. ბავშვი უნდა გენდობოდეთ, სჯეროდეს, რომ მის საიდუმლოს არ გათქვამთ, რომ ყოველთვის მხარს დაუჭერთ. მოკლედ რომ ვთქვათ, აღზრდა − ეს ნაკლები ჩხუბი და მეტი მშვიდი საუბარია.

წვრთნა − ეს არის სისტემა, რომელიც აგებულია ალგორითმზე „ბრძანება–შეუსრულებლობა–დასჯა; ბრძანება–შესრულება–შექება“.

გახსოვდეთ: ბავშვი შეიძლება უბრალოდ იძულებულია მოგატყუოთ, ვინაიდან არ იცის, როგორ გაუმკლავდეს შეცდომას, თქვენთვის სიმართლის გამხელა კი ეშინია, ვინაიდან იცის, რომ დასჯით.