„ზარ-ზეიმი“: ქუთაისი გასტრონომიულ ფესტივალს მასპინძლობს - ფოტო

თბილისი, 3 სექტემბერი - Sputnik. ქუთაისი ორდღიან გასტრონომიულ ფესტივალ-ბაზრობას „ზარ-ზეიმი“ მასპინძლობს, ნათქვამია ადგილობრივი მერიის განცხადებაში.

დღესასწაულის სტუმრებს სთავაზობენ ცივ, ცხელ, ცხარე და ტკბილ ქართულ კერძებს, კრაფტ-ლუდს, იმერულ ღვინოს ოჯახური და მცირე მარნებიდან, ასევე ხელით დამზადებულ ნაყინს.

„ეს ფესტივალი რეგიონის მასშტაბით მეწარმეების გაცნობასა და მათი პროდუქციის პოპულარიზაციას ემსახურება. განსაკუთრებით მნიშვნელოვანია ის რომ ეს ყველაფერი ჩვენს ქალაქში ხდება. ჩვენი ხელისუფლების პრიორიტეტია მცირე და საშუალო ბიზნესისთვის ხელშეწყობა“, - განაცხადა ქუთაისის მერმა იოსებ ხახალეიშვილმა.

ფესტივალის სცენაზე სტუმრებისთვის დაუკრავენ ქართული ბენდები: Killages, Bad Habitz, The Black Marrows, ერეკლე დეისაძე და ბენდი. ღონისძიების მხარდამჭერები არიან ქუთაისის მერიაა და კერძო სპონსორები.