ავარია რუსთავში: მსუბუქი ავტომობილი სამგზავრო მიკროავტობუსს შეეჯახა - ვიდეო

წინასწარი ინფორმაციით, მსუბუქი ავტომობილის მძღოლი გადაჭარბებული სიჩქარით მოძრაობდა.
Sputnik
თბილისი, 24 აგვისტო – Sputnik. რუსთავში, მშენებელთა ქუჩაზე ავარიის შედეგად ხუთი ადამიანი დაშავდა, იუწყება „ინფორუსთავი“.
პორტალის ინფორმაციით, მსუბუქი ავტომობილი შეეჯახა Mercedes-ის მარკის სამგზავრო მიკროავტობუსს, რომელიც შეჯახების შედეგად ამოტრიალდა.
სასწრაფო დახმარების ბრიგადებმა დაშავებულები კლინიკაში გადაიყვანეს.
მომხდართან დაკავშირებით გამოძიება საქართველოს სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. ავარიის ზუსტ მიზეზს ექსპერტიზა დაადგენს.
წყარო - „ინფორუსთავი“