თბილისი, 23 აგვისტო – Sputnik. დასახელდა მოკლემეტრაჟიანი და მთის თემატიკის ფილმების საერთაშორისო კინოფესტივალის გამარჯვებულები და ლაურეატები, რომელიც სვანეთში, მესტიაში ჩატარდა.
ფესტივალის გრან-პრი ერგო ფილმს „მთა“ (ნიდერლანდი), ჯილდო „საუკეთესო მოკლემეტრაჟიანი ფილმისათვის“ მიიღო ქართულმა ფილმმა „ნათლობა იორდანეში“.
საუკეთესო მოკლემეტრაჟიან ფილმად მთის შესახებ დასახელდა „დალაუგირი – ჩემი ევერესტია“.
მესტიის საერთაშორისო ფესტივალი
© Courtesy of Mestia International Short & Mountain Film Festival
სპეციალური აღნიშვნა ერგო მექსიკურ ფილმს „ესმერალდა“, ხოლო სპეციალური პრიზი მიიღო ნეპალურმა „რკინის მთრელმა“.
კიდევ ერთი სპეციალური პრიზი გადასცეს ქართულ ფილმს „სამზადისი“.
მესტიის საერთაშორისო ფესტივალი
© Courtesy of Mestia International Short & Mountain Film Festival
მოკლემეტრაჟიანი და მთის თემატიკის ფილმების საერთაშორისო ფესტივალი მესტიაში კულტურის სამინისტროსა და საქართველოს ეროვნული კინოცენტრის მხარდაჭერით ჩატარდა და მასში 21 ქვეყნის კინორეჟისორების ნამუშევრები მონაწილეობდა.