თუ აირჩიეთ:
ეს არის დათრგუნული მდგომარეობა, როდესაც ადამიანი ცხოვრებისადმი ინტერესს კარგავს და ემოციური ძალებისგან იცლება. ასეთ დროს მას მეგობრებთან ურთიერთობა აღიზიანებს, სამუშაო ტანჯავს, საყვარელ თემაზე კითხვაც კი აღარ იზიდავს, ეუფლება უძილობა... მხოლოდ მარტოობაში წოლა და ჭერისთვის თვალის გაშტერებაღა უნდა.
გუნება-განწყობის ფსიქიკური აშლილობა. ახასიათებს დეპრესიისა და უჩვეულოდ ამაღლებული განწყობის - მანიის ეპიზოდები, რომლებიც ერთმანეთს ენაცვლება და რამდენიმე დღის ან კვირის განმავლობაში გრძელდება. ზოგჯერ დეპრესიისა და მანიის სიმპტომები ერთდროულად ვლინდება. მაგალითად, აღშფოთებასთან ერთად მოწყენილობა. ხშირად პაციენტებს, რომლებსაც ბიპოლარული აშლილობა აღენიშნებათ, სხვა ფსიქიკური დაავადებებიც შეიძლება გააჩნდეთ.
ეს არის შიშის მოულოდნელი და განმეორებადი შეტევა, რომელიც რამდენიმე წუთის განმავლობაში გრძელდება, მაშინაც კი, თუ ადამიანს რეალური საფრთხე არ ემუქრება. ასეთ დროს ადამიანი კარგავს კონტროლს: უბნელდება თვალებში, უჩქარდება გულისცემა, ჰაერი არ ჰყოფნის, სხეული კი უკანკალებს. უნდა გახსოვდეთ, რომ ეს მხოლოდ დროებითი მოვლენაა, ისუნთქეთ ღრმად და შეტევაც მალე გადაივლის.
ეს ასევე არის ფსიქიკური დარღვევა, რა დროსაც ადამიანს აღარ მოსწონს საკუთარი თავი. ან ძალიან გამხდარი ეჩვენება თავისი სხეული, ან, პირიქით, ძალიან მსუქანი. ამიტომ ან გამუდმებით ჭამს, ან საერთოდ პირს არ აკარებს არაფერს. საკუთარი წონით შეპყრობილობა აკვიატებულ იდეად იქცევა და ადამიანს აიძულებს გამუდმებით აკონტროლოს კილოგრამების აღმნიშვნელი ციფრები.
ასეთ დროს ადამიანს გამუდმებით აწუხებს შიშები და შფოთვა, ეუფლება დარდი, იტანჯება მარტოობით, ხდება ფეთქებადი და ადვილად ღიზიანდება, ჩნდება დაღლილობა და აპათია. ეს ყველაფერი ადამიანს კონტროლს აკარგვინებს საკუთარ ქცევაზე. ნევროზებს, როგორც წესი, ყველაზე ხშირად ფსიქოლოგიური მიზეზები აქვს.
ეს არის ისეთი შიშები, რომელთა ახსნა ან გაკონტროლება შეუძლებელია, ისინი ჩნდება მოულოდნელად და შესაძლოა პანიკური შეტევაც გამოიწვიოს. შიშები შეიძლება იყოს მრავალგვარი, მათ შორის ძალიან უცნაურიც. მაგალითად, ბევრი ნახვრეტის შიში, ცურვის შიში, ყვავილების შიში, საუბრის შიში, საჭმლის მომზადების შიში და ა.შ.