აშშ-ის ქალაქ ატლანტაში მომღერალ მერაია კერის სახლი გაქურდეს. ქურდობის ფაქტი ივლისში მოხდა. მომღერალი ამ დროს იტალიაში ისვენებდა. ინფორმაცია ამის შესახებ Page Six-მა გაავრცელა.
მერაია კერიმ ატლანტაში მდებარე სახლი გასულ წელს 6 მილიონ დოლარად შეიძინა. პოლიციამ დაადასტურა ბინაში შეჭრის ფაქტი, მაგრამ იმის გამო, რომ ჯერ კიდევ მიმდინარეობს გამოძიება, მეტი ინფორმაციის გავრცელებისგან თავი შეიკავა.
ჯერჯერობით უცნობია, თუ რა წაიღეს ქურდებმა სახლიდან. თავად მომღერლის ოფიციალური წარმომადგენლები კომენტარის გაკეთებისგან ასევე თავს იკავებენ.