ილონ მასკი და ეპატაჟური მომღერალი გრაიმსი ერთმანეთს უკვე რამდენიმე თვეა დაშორდნენ. წყვილს ორი საერთო შვილი ჰყავს, რომლებიც სუროგატი დედის საშუალებით შეეძინათ.
როგორც ჩანს, მილიარდერი მასკი ყოფილ ცოლს ახლაც ძალიან უფრთხილდება და მასზე ზრუნავს. ახლახან გრაიმსმა სოციალურ ქსელში სურვილი გამოთქვა, რომ მას „ელფის“ ყურების ოპერაციის გაკეთება სურს, თუმცა მაინც შიშობს, რომ ოპერაციამ შესაძლოა მის სმენაზე ნეგატიური გავლენა მოახდინოს. პოსტის გამოქვეყნებიდან მალევე მას ილონ მასკი გამოეხმაურა, მისი კომენტარი ლაკონიური და კატეგორიული იყო.
„ამ ოპერაციას გაცილებით მეტი გვერდითი მოვლენა აქვს, ვიდრე დადებითი ეფექტი“, – დაწერა მასკმა.
რამდენიმე წლის წინ გრაიმსმა თვალის ბადურაზე ექსპერიმენტული ოპერაცია გაიკეთა, რის გამოც ის ცისფერ ფერს ვეღარ აღიქვამს. ამის გამო არტისტი დეპრესიაშიც კი ჩავარდა. ვნახოთ, გაიკეთებს თუ არა მასკის ყოფილი ცოლი „ელფის“ ყურების სარისკო ოპერაციას, თუმცა წყვილისგან, რომელმაც პირველ შვილს X Æ A-12, ხოლო მეორეს, Exa Dark Sideræl დაარქვა, არაფერი უნდა გაგვიკვირდეს.