ახალდაქორწინებული ირაკლი მაქაცარია და ლიზა ჩიჩუა თაფლობის თვეს საბერძნეთში, მზიან სანაპიროზე ატარებენ. ბერძნული დღეებიდან ფოტოებს და ვიდეოებს წყვილი თითქმის ყოველდღე აქვეყნებს.
შაბათს, 23 ივლისს ირაკლი მაქაცარიამ 20 წლის ლიზა ჩიჩუაზე იქორწინა. 37 წლის ირაკლი მაქაცარიამ მშვენიერ ლიზა ჩიჩუას, რომელსაც წელიწად-ნახევარზე მეტ ხანს ხვდებოდა, დაქორწინება ქორწილამდე რამდენიმე თვით ადრე შესთავაზა. გოგონა მასზე 17 წლით უმცროსია, მაგრამ ასაკობრივ სხვაობას მათი ურთიერთობისთვის ხელი არ შეუშლია.
წყვილი მდიდრული ქორწილისთვის სამი თვის განმავლობაში ემზადებოდა. შეყვარებულებმა ცხოვრების მნიშვნელოვან დღეს მეგობრები და ოჯახის წევრები მიიპატიჟეს. ჯვარი ეკლესიაში დაიწერეს და ქორწილი ელიტურ რესტორანში გადაიხადეს, სადაც ახალდაქორწინებულებმა ბეჭდები გაცვალეს და ქორწინება ოფიციალურად დაარეგისტრირეს.