თბილისი, 28 ივლისი – Sputnik. მუსიკალური საღამო, რომელიც გასული საუკუნის 90-იან წლებს ეძღვნება, ბათუმის კლუბ MONO HALL-ში 29 ივლისს გაიმართება.
კონცერტში ცნობილი ქართველი შემსრულებლები მიიღებენ მონაწილეობას, მათ შორის არიან თემურ რცხილაძე, თიკა ჯამბურია, ვერიკო ტურაშვილი, კაბუ, მარიკა თხელიძე, მერაბ სეფაშვილი, ნინო ძოწენიძე, თამუნა ამონაშვილი და სხვ.
ელექტრონული მუსიკის მოყვარულებს დიჯეის გამოსვლის მოსმენის შესაძლებლობა ექნებათ.
ორგანიზატორები აღნიშნავენ, რომ ღონისძიებაზე ასაკობრივი შეზღუდვა იმოქმედებს – დაიშვებიან მხოლოდ 18 წელს ზემოთ პირები.