ბოლო კვირის განმავლობაში თბილისში ლგბტ-საზოგადოების საწინააღმდეგო აქციები მიმდინარეობდა
პროტესტის მიზეზი იყო პრაიდის კვირეულის გამართვა
თუმცა, განსხვავებით გასული წლებისგან, ამჯერად დაპირისპირებები არ მომხდარა
ეს პოლიციის დამსახურებაა, რომელიც წესრიგს იცავდა და არ დაუშვა შეტაკებები პროტესტის მონაწილეებსა და ლგბტ თემის წარმომადგენლებს შორის
თუმცა აგრესიულად განწყობილი ადამიანების რაოდენობა საკმაოდ დიდი იყო
საზოგადოებრივი წესრიგის მცირედ დარღვევაზეც კი პოლიცია დამნაშავეს აკავებდა
აქცია მიმდინარეობდა პარლამენტის შენობასთან
შემდეგ მომიტინგეებმა მსვლელობა გამართეს ცენტრალურ ქუჩებზე
აქციების ბოლო დღეს მომიტინგეები მივიდნენ „ქართული ოცნების“ ოფისთან, შემდეგ კი ევროკავშირის ოფისთან
საბოლოოდ აქციების მონაწილეებიდან რამდენიმე ათეული ადამიანი დააკავეს
„ქართული ოცნების“ ოფისთან მომიტინგეებმა დახეული ლგბტ დროშები დატოვეს. აქციის ორგანიზატორები იყვნენ „კონსერვატიული მოძრაობა“ და „ალტ-ინფო“
უცხო ქვეყნების დიპლომატიური მისიების ხელძღვანელებმა პრაიდის კვირეულის დროს პოლიციის ქმედებებს სამაგალითო უწოდეს