მუშებმა მელიქიშვილის გამზირის კაპიტალური რემონტის დროს ძველი ნაგებობების ფრაგმენტები აღმოაჩინეს
აღმოჩენა საკმაოდ მოულოდნელი იყო
ახლა ადგილზე მუშაობენ სპეციალისტები, რომლებიც ნაპოვნი ობიექტის ასაკს და ისტორიულ მნიშვნელობას ადგენენ
მოულოდნელი აღმოჩენის გამო, შესაძლოა, გამზირის განახლების პროექტი გაიწელოს, ვინაიდან ადგილი სპეციალისტებმა დაწვრილებით უნდა შეისწავლონ
„ეს პირველი შემთხვევა არ არის როდესაც ქუჩის რემონტის დროს მუშები მსგავს აღმოჩენას აკეთებენ. თუმცა, ზუსტად რა აღმოაჩინეს, ამას სპეციალისტები ადგენენ. შესაძლოა ეს ისტორიული ძეგლი იყო, ან ძველი საკანალიზაციო სისტემის კოლექტორი“, - განაცხადეს მერიის პრეს-სამსახურში
მომხდარს დიდი გამოხმაურება მოჰყვა სოციალურ ქსელებში. ზოგიერთი ვარაუდს გამოთქვამს ნაგებობის ასაკთან დაკავშირებით, ზოგი ამბობს, რომ ამ აღმოჩენის გამო რემონტი დროში გაიწელება
თბილისის მერიამ მელიქიშვილის გამზირის განახლება 17 ივნისს დაიწყო
სარემონტო ზონა ვარაზისხევიდან ჭოველიძის ქუჩამდეა
რემონტის პერიოდში ამ მონაკვეთზე მოძრაობა აკრძალულია. პროექტზე დაახლოებით 6 მილიონი ლარი დაიხარჯება, სამუშაოები 4 თვის განმავლობაში გაგრძელდება
რემონტის შედეგად შეიცვლება მიწისქვეშა კომუნიკაციები, გარე განათების სისტემა, მოხდება სადრენაჟო სისტემის, წყალმომარაგებისა და საკანალიზაციო სისტემებისა და ბუნებრივი აირის მილების მოდერნიზება
ელექტროგადამცემი ხაზები მოექცევა მიწის ქვეშ, მოეწყობა ტროტუარები, ახალი გაჩერებები, საზოგადოებრივი ტრანსპორტისთვის და ველოსიპედებისთვის გამოიყოფა ცალკე ზოლები
ფილარმონიასთან აღმართული მუზა, როგორც ყოველთვის, უცვლელი დარჩება