მსახიობი მიკი რურკი პიტს მორგანთან ინტერვიუში ტომ კრუზის კრიტიკით გამოვიდა. მან კომენტარი გააკეთა ტომ კრუზის ახალი ფილმზე „ტოპ განი: მავერიკი“ და განაცხადა, რომ კრუზმა თავისი თავი კინოში ვერ იპოვა.
„ეს კაცი ერთსა და იმავე როლს თამაშობს 35 წელია, პატივს ვერ ვცემ“, – ამბობს რურკი.
წამყვანის კითხვაზე, რას ფიქრობს ის ფილმის შემოსავლებზე, რურკი პასუხობს, რომ ის კინოს ფულით არ აფასებს.
„ჩემთვის ეს არაფერს ნიშნავს. როცა მე ვუყურებ ალ პაჩინოს, რობერტ დე ნიროს, რიჩარდ ჰარისის ფილმებს, მინდა მივბაძო მათ, ეს არის კინო“, – დასძენს რურკი.