თბილისი, 10 ივლისი — Sputnik. დიმიტრი შევარდნაძის სახელობის ეროვნული გალერეაში 12 ივლისს იხსნება ქართველი მხატვრის, ზურა აფხაზის გამოფენა „ქვების ხმაური“, ნათქვამია კულტურის სამინისტროს განცხადებაში.
მულტიმედიური გამოფენა „ქვების ხმაური“ წარმოადგენს საუკეთესო ნამუშევრების კრებულს, რომლებიც მხატვარმა ბოლო წლებში შექმნა.
პროექტს წარმოადგენს Dédicace Gallery – „დედიკას გალერეა“, კურატორი - ხათუნა ხაბულიანი. ვიდეო ჩანართებზე იმუშავეს ლექსო სოსელიამ და უჩა წოწერიამ, ხოლო ხმოვანი ნაწილი ეკუთვნის დიმა დადიანს.
ზურა აფხაზის მულტიმედიური გამოფენა 7 აგვისტომდე გასტანს.
ზურა აფხაზი (აფხაზაშვილი) დაიბადა 1968 წელს. თბილისის სახელმწიფო სამხატვრო აკადემიის დამთავრების შემდეგ რამდენიმე წლის განმავლობაში მუშაობდა უფლისციხეში ხატვის მასწავლებლად, არის მრავალი გამოფენის მონაწილე.