ერთი თვის წინ შაკირა და ჟერარ პიკე 11-წლიანი ურთიერთობის შემდეგ ერთმანეთს დაშორდნენ. ამის მიზეზი ფეხბურთელის ღალატი გახდა.
წყვილი ოფიციალურ ქორწინებაში არ იმყოფებოდა, თუმცა, როგორც ცოტა ხნის წინ გახდა ცნობილი, მათი საქმე სასამართლო დარბაზში მაინც გადაინაცვლებს.
ჟერარ პიკე შაკირას სასამართლოში უჩივის. დავა ეხება მათ შვილებს, 9 წლის მილანსა და 6 წლის საშას. შაკირა გეგმავს შვილების მაიამიში წაყვანას, სადაც მისი ოჯახი ცხოვრობს, პიკე კი ამის წინააღმდეგია და სურს შვილები ესპანეთში დარჩნენ.
ფეხბურთელს ბავშვებზე სრული მეურვეობის მოპოვება უნდა. აღნიშნულმა ინფორმაციამ ინტერნეტ-სივრცეში დიდი ვნებათაღელვა გამოიწვია. „ღალატის შემდეგ ეს როგორ გაბედა!“, „ჩვენ მხარს ვუჭერთ შაკირას“, – წერენ კომენტარებში.