ბრიფინგი: საქართველო მორიგი პოლიტიკური კრიზისის ზღვარზეა?

ივნისში საქართველოში რამდენიმე საპროტესტო აქცია გაიმართა, მათ შორის ყველაზე მასშტაბური თბილისში იყო. ყველაზე მოკრძალებული შეფასებით, იქ მინიმუმ 50 ათასი ადამიანი შეიკრიბა. მთავარი სლოგანია „შინ ევროპისკენ“, ორგანიზატორები - ახალგაზრდული მოძრაობა „სირცხვილია“. 24 ივნისს გამართულ ბოლო აქციაზე აქციის მონაწილეები პრემიერ-მინისტრ ირაკლი ღარიბაშვილის გადადგომას, ასევე ეროვნული თანხმობის მთავრობის შექმნას ითხოვდნენ, რომელიც ევროკავშირის კანდიდატი ქვეყნის სტატუსის მისაღებად 12-ვე პირობას შეასრულებს. აქციის მონაწილეებმა მთავრობას გადადგომისთვის ერთი კვირა მისცეს. თუ მოთხოვნა არ დაკმაყოფილდება, თბილისში 3 ივლისს უვადო აქცია დაიწყება. მთავრობა გადადგომას არ აპირებს.

შეძლებენ თუ არა ხელისუფლება და ოპოზიცია შეთანხმებას? ელოდება თუ არა საქართველოს კიდევ ერთი პოლიტიკური კრიზისი? ჟურნალისტების ამ და სხვა კითხვებს ბრიფინგზე უპასუხებს:

- პოლიტოლოგი, არასამთავრობო ორგანიზაცია „ძლიერი ქალი - ძლიერი სახელმწიფოს“ თავმჯდომარე ლალი მოროშკინა.

მასმედიის წარმომადგენლებს ვიწვევთ ბრიფინგში მონაწილეობის მისაღებად, რომელიც „Sputnik–საქართველოს" მულტიმედიურ პრეს-ცენტრში გაიმართება მისამართზე: თბილისი, დავით აღმაშენებლის გამზირი #61, მე-5 სართული, ბლოკი С. ტელ: 555 90 89 77.

E-mail: media@sputnik-georgia.com;

ტელ: +995555908977.

„Sputnik-საქართველოს" მულტიმედიური პრეს-ცენტრის ანონსების გამოსაწერად გამოგზავნეთ განაცხადი: media@sputnik-georgia.com