მყავს ნახევარძმა, რომლის არსებობის შესახებაც ათწლეულების განმავლობაში არაფერი ვიცოდი, განაცხადა ახლახან ირლანდიური ჯგუფი U2-ის წევრმა ბონომ ინტერვიუში.
მუსიკოსის თქმით, ნახევარძმის შესახებ 2000 წელს გაიგო. როგორც მომღერალი ამბობს, დედამისმა, რომელიც 1974 წელს ანევრიზმით გარდაიცვალა, არაფერი იცოდა იმის შესახებ, რომ მის მეუღლეს შვილი სხვა ქალისგანაც ჰყავდა.
როგორც ბონო ამბობს, მიუხედავად იმისა, რომ მამასთან მარტივი ურთიერთობა არასდროს ჰქონია, ნახევარძმასთან ახლოსაა და მასთან კარგი ურთიერთობა აქვს.