თბილისი, 25 ივნისი – Sputnik. ხორვატიის ქალაქ პორეცში ჭაბუკთა შორის ევროპის ჩემპიონატზე ძიუდოში საბა სამადაშვილმა (66 კგ) და გიორგი მიშველიძემ (73 კგ) ოქროს მედლები მოიპოვეს.
სამადაშვილმა ფინალში იპონით ფრანგი კილიან ნოელი დაამარცხა, მიშველიძემ კი ვაზარით სერბი მიხაილო სიმინს სძლია.
ძიუდოისტი გიორგი მიშველიძე (მარცხნიდან მეორე)
© Georgian Judo Federation
ხვალ გაიმართება კონტინენტური პირველობა 81, 90, +90 (ვაჟები) და 70, +70 კგ (გოგონებში) წონით კატეგორიებში.
ძიუდოისტი საბა სამადაშვილი (მარჯვნივ)
© Georgian Judo Federation
გუნდური შეჯიბრება 26 ივნისს გაიმართება. საქართველოს სახელით მათე ჩაფურიშვილი, ნოდარ ალაფიშვილი, თამაზ ბიგანაშვილი და ლიზი ქვარცხავა იასპარეზებენ.
აღსანიშნავია, რომ გუშინ ევროპის ჩემპიონატზე დავით ლომიტაშვილმა (55 კგ) ბრინჯაოს მედალი მოიპოვა.