ლგბტ-თემის მოწინააღმდეგეების აქცია თბილისში, ევროკავშირის ოფისთან - არიან დაკავებულები

თბილისი, 6 ივნისი – Sputnik. თბილისში ევროკავშირის წარმომადგენლობასთან არასამთავრობო ორგანიზაციების რამდენიმე ათეული წარმომადგენელი ლგბტ–საზოგადოების წინააღმდეგ საპროტესტო აქციაზე შეიკრიბა და „პრაიდ–დროშის“ (დროშა ცისარტყელას ფერებში) დაწვა სცადა.

პოლიციის თანამშრომლებმა მათ დროშის დაწვის ნება არ მისცეს, რის შემდეგაც დაიწყო ადამიანების დაკავება.

პოლიციამ აქციის ადგილიდან რამდენიმე ადამიანი წაიყვანა. მათ შორის არის ორგანიზაცია „ქართული იდეის“ დამაარსებელი გურამ ფალავანდიშვილი, რომელიც ლგბტ–საზოგადოების მხარდამჭერი ნებისმიერი ღონისძიების ჩატარებას აქტიურად ეწინააღმდეგება.

თვითმხილველები აცხადებენ, რომ დაკავებულია ექვსიდან ათამდე ადამიანი.

აქციის მონაწილეებს ეკავათ პლაკატები წარწერებით: „არა ევროსოდომს“, „ყველა სამარცხვინო ლგბტ ელჩი გაძევდეს საქართველოდან“, „ლგბტ–ელჩებო, შორს ბინძური ხელები ჩვენი ბავშვებისგან“.

აქციის მონაწილეები აპროტესტებენ ევროპელი დიპლომატების მხრიდან თბილისში ლგბტ–საზოგადოების მომხრეების მიერ ე.წ. პრაიდის კვირეულის ჩატარების წაქეზებასა და ამაში ჩარევას.

ევროკავშირის ოფისთან პოლიცია კვლავ მობილიზებულია.