მოდელმა ქეთი ჟღენტმა სოციალურ ქსელში გიორგი ქებურიას ფოტო გამოაქვეყნა, სადაც ის აეროპორტშია გადაღებული. უმცროსი ქებურია 22 წლისაა და ვიზუალურად ძალიან დაემსგავსა ძმას – თოშა ქებურიას. სოციალურ ქსელში გამოქვეყნებული ფოტოებიდან ჩანს, რომ ძმებს ძალიან კარგი ურთიერთობა აქვთ.
ბიზნესმენ ბუბა ქებურიას ორი ვაჟის გარდა გოგონა – ლიკა, იგივე რია ქებურია ჰყავს, რომელიც ცნობილი დიზაინერია. ბუბა ქებურიას სამ ქვეყანაში – საფრანგეთში, რუსეთსა და საქართველოში პრესტიჟული სასტუმროები და რესტორნები აქვს. ოფიციალური მილიონერია, ამასთან დიდ თანხებს ხარჯავს ქველმოქმედებისთვის. მისი მონაწილეობით ქართველებისთვის პარიზში წმინდა თამარ მეფის სახელობის ეკლესია აშენდა.
ყვითელი პრესისთვის ყველაზე პოპულარული ქეთი ჟღენტის და თოშა ქებურიას წყვილია. მათ სამი შვილი ჰყავთ. წყვილმა ქორწილი ორჯერ გადაიხადა, ისინი საკუთარ ქორწილში ვერტმფრენით მივიდნენ. რაც შეეხება საქორწინო ტორტს, ასეთი გრანდიოზული ტორტი საქართველოში აქამდე არ დამზადებულა. მისი წონა 400 კგ-ს შეადგენდა, სიმაღლე – 5 მეტრს. საქორწინო ტორტის დამზადებაზე კი 12 დიზაინერი მუშაობდა.