ცნობილი მუსიკოსების შვილი ნანა ჩარკვიანი შეყვარებულია. როგორც გოგონამ ჟურნალ „სარკესთან“ საუბრისას განაცხადა, სიყვარული მისთვის საუკეთესო მოტივაციაა.
„სიყვარული არის ჩემს ცხოვრებაში და ეს ის გრძნობაა, რაც ყველაზე მეტად მზრდის. ეს სიყვარული ყველაზე კარგად მეხმარება, ვიყო ჩემი საუკეთესო თავი და ამიტომაც ვუწოდებ სიყვარულს საუკეთესო მოტივაციას“, – ამბობს ნანა.
ნანას მშობლებს საზოგადოება კარგად იცნობს. ქეთათო ჩარკვიანი17 წლის იყო, როდესაც ბედი თავის საყვარელ მუსიკოსს ირაკლი ჩარკვიანს დაუკავშირა. საკმაოდ არაორდინარული წყვილი იყო. ხშირად წერდნენ დუეტებს, გამოდიოდნენ კლუბებში კონცერტებზე. შემდეგ შეეძინათ გოგონა – ნანა. ამბობენ, რომ ამ ასაკში შვილის დაბადებამ ჩარკვიანი უდიდესი პასუხისმგებლობით აავსო. მალე შვილს სიმღერაც მიუძღვნა.