ცნობილი გახდა, რომ ჩელსიმ ცოტა ხნის წინ იქორწინა სასტუმროების ქსელ Bijou Collection-ის დირექტორზე სემ კატმორ-სკოტზე. მამაკაცი 37 წლისაა და ჰარიზე ერთი წლით უფროსია. ის ასევე ჰოლივუდის მსახიობის ჯეკ კატმორ-სკოტის ძმაა, იტყობინება Daily Mail.
ჩელსი და სემი ერთად ცხოვრობენ ჩისვიკში, დასავლეთ ლონდონში. წყვილი საგულდაგულოდ მალავდა რომანს საზოგადოებისგან. 2022 წლის მარტში წყვილს ვაჟი შეეძინა, რაც ასევე მოულოდნელი იყო საზოგადოებისთვის, რადგან დევის ორსულობის შესახებ თითქმის არავინ იცოდა.
ჩელსი საიუველირო ბიზნესშია და ცდილობს დაიცვას თავისი ოჯახი პრესისა და კამერებისგან. როდესაც ეკითხებიან პრინც ჰარის შესახებ, ქალი ყოველ ჯერზე ამბობს, რომ პრესა მას ძალიან ავიწროვებს და არ ასვენებს მის ოჯახს, მაგრამ თვითონ მიდის ჟურნალისტებთან და დეტალებს უყვება, თუ როგორ ცუდად ცხოვრობდა სამეფო ოჯახში.