თბილისი, 18 მაისი – Sputnik. ჯონს ჰოპკინსის უნივერსიტეტის მონაცემებით, კორონავირუსის მსხვერპლთა რაოდენობამ შეერთებულ შტატებში 1 მილიონს გადააჭარბა.
უნივერსიტეტი აჯამებს ფედერალური და ადგილობრივი ხელისუფლებების, ასევე მასმედიისა და სხვა ღია წყაროების მონაცემებს.
უნივერსიტეტის ინფორმაციით, აშშ-ში კორონავირუსით გარდაიცვალა 1.000.139 ადამიანი. ქვეყანაში ინფიცირების 82,7 მლნ შემთხვევა დაფიქსირდა.
ორივე მაჩვენებლით აშშ მსოფლიოს სხვა დანარჩენ ქვეყნებს უსწრებს.
უნივერსიტეტის 18 მაისის დილის მონაცემებით, სულ მსოფლიოში კორონავირუსით ინფიცირებულთა რაოდენობამ 524,5 მილიონ ადამიანს გადააჭარბა. COVID-19-სგან გარდაიცვალა 6,28 მლნ ადამიანი. ჩატარებულია ვაქცინაცია 11,4 მილიარდ დოზაზე მეტი.