საქართველო „ევროვიზიის“ ფინალში ვერ გავიდა

თბილისი, 13 მაისი – Sputnik. საქართველოს წარმომადგენელი „ევროვიზია-2022“-ზე, ჯგუფი Circus Mircus იტალიაში სიმღერის საერთაშორისო კონკურსის ნახევარფინალში გამოვიდა, მაგრამ ფინალში ვერ მოხვდა.

ტურინში 12 მაისს „ევროვიზია-2022“-ის მეორე ნახევარფინალი გაიმართა. ბენდმა Circus Mircus ქვეყანა წარადგინა ინგლისურენოვანი სიმღერით Lock Me In. გამოსვლის შემდეგ ქართველმა შემსრულებლებმა ევროპელ მაყურებელს მადლობა გადაუხადეს და სცენიდან თქვეს: Make Love, Not War.

ფინალში მოხვდნენ ბელგია, ჩეხეთი, აზერბაიჯანი, პოლონეთი, ფინეთი, ესტონეთი, ავსტრალია, შვედეთი, რუმინეთი და სერბეთი.

კონკურსის ფინალი შაბათს, 14 მაისს ჩატარდება. ტრადიციულად, მასში ადგილები „დაჯავშნილი“ აქვთ დიდ ბრიტანეთს, გერმანიას, ესპანეთს, იტალიასა და საფრანგეთს. ЕВС, ჩვეულებრივ, მთელი შოუს ტრანსლირებას თავის YouTube-არხზე მოაწყობს.

იტალიამ უკვე ორჯერ უმასპინძლა „ევროვიზიის“ კონკურსს – ნეაპოლში (1965) და რომში (1991). ამჯერად კი „ევროვიზიის“ მასპინძლობის უფლება ქალაქმა ტურინმა მოიპოვა – 2021 წლის მაისში როტერდამში იტალიური ჯგუფიManeskin-ის გამარჯვების წყალობით (სიმღერა Zitti e Buoni).

წელს 66-ე საერთაშორისო კონკურსში 40 ქვეყნის კონკურსანტი იღებს მონაწილეობას.