ჩოგბურთელ ნიკოლოზ ბასილაშვილის ყოფილ მეუღლეს, მოდელსა და დიზაინერს ნეკა დოროყაშვილს სოციალურ ქსელებში ხშირად უსვამენ შეკითხვებს გარეგნობისა თუ პირადი ცხოვრების შესახებ. ამჯერად ერთ-ერთი მისი აქტიური ხელმომწერი დაინტერესდა, რამდენი პლასტიკური ოპერაცია აქვს გაკეთებული.
მოდელმა უპასუხა: „არც ერთი პლასტიკური ოპერაცია არ მაქვს გაკეთებული. იმიტომ კი არა, რომ მათი წინააღმდეგი ვარ, ვფიქრობ, რომ მე არ მჭირდება. და თანაც, არც მომწონს, როცა ყველა ქალი, ბევრი ოპერაციის გამო, ერთმანეთს ემსგავსება“.
კიდევ ერთი კითხვა, რომელიც მოდელს დაუსვეს, მის სურვილს ეხება ფილმებში მონაწილეობასთან დაკავშირებით. კითხვის ავტორს აინტერესებს, აქვს თუ არა ასეთი კარგი გარეგნული მონაცემების გამო კინოინდუსტრიაში ჩართვის ოცნება.
ნეკამ ამ შეკითხვას ასე უპასუხა: „ჩემს ცხოვრებაში 3 წლის წინ მომხდარი დიდი ცვლილებების შემდეგ ორიენტირი ავიღე ჩემს ბიზნესზე, ინვესტიციებსა და სამოდელო კარიერასთან კავშირის აღდგენაზე. ეს იყო ჩემი ბოლო 2-3- წლის მიზანი – მინდოდა მქონოდა შემოსავლის რამდენიმე წყარო, მრავალფეროვანი ბიზნეს-პორტფოლიო და საერთაშორისო სამოდელო კონტრაქტები. ახლა ეს ფაზა თითქმის დავასრულე და ვაპირებ ფოკუსირება მქონდეს უფრო მეტად შოუბიზნესზე, ფილმებსა და მუსიკაზე“.