მედიუმ დები დევისს არაერთხელ უხსენებია სამეფო ოჯახი საკუთარ წინასწარმეტყველურ პროგნოზებში. ახალი განცხადება ეხება სასექსის ჰერცოგების წყვილს და სამეფო ოჯახის წარმომადგენლებს შორის ურთიერთობას. დები დევისის თქმით, მეგან მარკლი უკმაყოფილოა იმით, თუ როგორ მიდის საქმეები აშშ-ში გადასვლის შემდეგ. „მე ვხედავ, რომ კალიფორნიაში მას აკლია ყურადღება, რომელიც მან წინა სტატუსში მიიღო“, – განმარტა ექსტრასენსმა.
ასევე დევისმა უწინასწარმეტყველა სასექსის ჰერცოგსა და ჰერცოგინიას სირთულეები ოჯახურ ცხოვრებაში. „ვფიქრობ, ჰარის ენატრება სამშობლო და მისი საყვარელი ადამიანები“, – თქვა მან. ამერიკაში გადასვლის შემდეგ პრინცი ჰარი რამდენჯერმე დაბრუნდა ლონდონში – პრინც ფილიპის დაკრძალვაზე და პრინცესა დიანას ქანდაკების გახსნაზე.
მეგანმა და ჰარიმ ოფიციალურად დატოვეს სამეფო მოვალეობები 2020 წლის იანვარში, რის შემდეგაც ისინი ჩრდილოეთ ამერიკაში გადავიდნენ. ისინი ახლა ცხოვრობენ მონტეციტოში, კალიფორნიაში შვილებთან - არჩი ჰარისონთან და ლილიბეტ დიანასთან ერთად.
ცოტა ხნის წინ წყვილმა ხელი მოაწერა რამდენიმე მომგებიან გარიგებას, მათ შორის მთავარი გარიგება Netflix-თან იყო. გარდა ამისა, სასექსის ჰერცოგები აქტიურ მონაწილეობას იღებენ შეერთებული შტატების საერო და პოლიტიკურ ცხოვრებაში: ისინი ხვდებიან მაღალჩინოსნებს, ესწრებიან გამოჩენილ ღონისძიებებს და ეწევიან საქველმოქმედო საქმიანობას.