„თბილსერვისში“ ერთ-ერთ მაღალ თანამდეობაზე მყოფი მიშა მესხი, რომელიც ცნობილი მომღერლის სოფო ბედიას ქმარია და საზოგადოებამაც სწორედ ამ სტატუსით გაიცნო, სტუმრად იმყოფებოდა გადაცემა „ფარულ კონვერტში“. ეს ჩანაწერი ტელეკომპანია „რუსთავი 2“-სთვის ბოლო იქნება, რადგან გადაცემა „ფორმულაზე“ გადავიდა.
გადაცემის წამყვანმა, მსახიობმა ია ფარულავამ მიშა მესხს სთხოვა გაეხსნა კონვერტი, სადაც წერია იმ ცნობილი ჟურნალისტის სახელი და გვარი, რომელთანაც კაცს ფარული რომანი ჰქონდა.
„ყველა ჩემმა მეგობარმა იცის ეს ისტორია“, – ამბობს გადაცემის ანონსში მიშა მესხი. გაამჟღავნებს თუ არა საყვარელი ქალის ვინაობას და მოიგებს თუ არა ამის გამო 5 ათას ლარს, ამას მაყურებელი გადაცემაში კვირას იხილავს.