საქართველოს ნაკრებმა ევროპის თასი უკვე მეთოთხმეტედ მოიგო
ესპანეთის გუნდთან შეხვედრას უამინდობა დაემთხვა
მიუხედავად ცუდი პირობებისა, ქართველმა მორაგბეებმა ესპანელებს არანაირი შანსი არ დაუტოვეს
ერთმანეთს ხვდებოდა ჯგუფის ორი ლიდერი. მატჩამდე ესპანეთის ნაკრები სატურნირო ცხრილში პირველ ადგილს იკავებდა 17 ქულით, მეორეზე იყო საქართველო 15 ქულით, შემდეგ პორტუგალია - 12, რუმინეთი - 9, ნიდერლანდი - 4 და რუსეთი - 1 ქულა
ბორჯღალოსნებმა შეხვედრა დიდი ანგარიშით - 49:15 მოიგეს
საუკეთესო მოთამაშედ ვასილ ლობჟანიძე დასახელდა
უნდა აღინიშნოს, რომ ნაკრების მთავარმა მწვრთნელმა ლევან მაისაშვილმა ყველა წამყვანი მოთამაშე დაუპირისპირა ესპანურ გუნდს
რომლებმაც დამაჯერებელი გამარჯვება მოიპოვეს
მართლაც, 34 ქულის სხვაობა ესპანეთის წინააღმდეგ - ეს მნიშვნელოვანი უპირატესობაა
ახლა ევროპის თასი კვლავ საქართველოშია! ამას გარდა, ქართულმა გუნდმა 2023 წლის მსოფლიო ჩემპიონატის საგზური გაინაღდა