სახიფათო დაავადება ბავშვებში: კოკსაკის ვირუსი – სიმპტომები და მკურნალობა

კოკსაკის ვირუსი, რომლის პირობითი სახელწოდებაა Hand-foot-and-mouth disease (HFMD - "ხელი-ფეხი-პირი") ყველაზე ხშირად ჩვილ და სკოლამდელი ასაკის ბავშვებს ემართებათ.

კოკსაკი არის ქალაქის დასახელება ამერიკის შეერთებულ შტატებში, სადაც პირველად დაფიქსირდა იმ პერიოდში უცნობი ვირუსით გამოწვეული პოლიომიელიტის მსგავსი დაავადების ეპიდემია.

გამომდინარე იქიდან, რომ საქართველოში ინფექციური საავადმყოფოები პერიოდულად ლამის პირთამდე ივსება ავადმყოფებით, მათ შორის, კოკსაკის ვირუსით დასნებოვნებულებით, გადავწყვიტეთ გარკვეული ინფორმაცია მოგაწოდოთ ამ დაავადების შესახებ.

როგორც წესი, დაავადება პირში მტკივნეული წყლულებითა და ხელ-ფეხზე გამონაყარით ვლინდება, ოღონდ ეტაპობრივად.

აღსანიშნავია, რომ დაავადება შედარებით იშვიათად უფროსი ასაკის ადამიანებშიც ჩნდება. ზოგ პაციენტს შესაძლოა საერთოდაც არ აღენიშნებოდეს გარეგნული სიმპტომები, მაგრამ ის მაინც არის ვირუსის მატარებელი და, შესაბამისად, ავადმყოფობის გადამტანი.

როგორც წესი, HFMD მსუბუქად მიმდინარეობს და თითქმის ყველა დასნებოვნებულს მკურნალობის გარეშე 7–10 დღეში აღუდგება ჯანმრთელობა.

გართულება უკიდურესად იშვიათად ხდება, რა დროსაც ავადმყოფს შესაძლოა განუვითარდეს ვირუსული მენინგიტი, ხოლო კიდევ უფრო იშვითად — პოლიომიელიტის მსგავსი დამბლა ან ენცეფალიტი.

ასეთ დროს ავადმყოფი აუცილებლად უნდა გადავიყვანოთ საავადმყოფოში. წინააღმდეგ შემთხვევაში შესაძლოა შედეგი სავალალო, ანუ ლეტალური აღმოჩნდეს.

დიახ, HFMD გადამდებია და ის გადადის:

HFMD-თი დაავადებულები განსაკუთრებით გადამდებები არიან პირველი კვირის განმავლობაში, თუმცა ვირუსის გავრცელების საფრთხე შესაძლოა სიმპტომების გაქრობიდან კიდევ რამდენიმე კვირის განმავლობაშიც შენარჩუნდეს.

ამ დაავადებისთვის მკურნალობის სპეციალური კურსი არ არსებობს. ციებ-ცხელება შეიძლება ვაკონტროლოთ სიცხის დამწევი და ტკივილგამაყუჩებელი პრეპარატებით, მაგალითად, პარაცეტამოლითა და იბუპროფენით. ავადმყოფმა უნდა მიიღოს დიდი რაოდენობით სითხე, რათა ორგანიზმის გაუწყლოება არ დაემართოს.

HFMD-ს საწინააღმდეგო ვაქცინა არ არსებობს, თუმცა დასნებოვნების რისკი შესაძლებელია რამდენიმე უბრალო წესის დაცვით შევამციროთ: