„თელასი" საბურთალოს რაიონის მოსახლეობას აფრთხილებს

თბილისი, 2 მარტი – Sputnik. სააქციო საზოგადოება „თელასი" იუწყება, რომ 3 მარტს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

00:00 საათიდან 03:00 საათამდე შეზღუდვა შეეხება: ნუცუბიძის პლატოს I მიკრორაიონის (ნაწილობრივ), ვაჟა-ფშაველას გამზირის (ნაწილობრივ), ვაჟა-ფშაველას V კვარტლის, ნუცუბიძის, ბედიას, ანჯაფარიძის, მინდელის და პოლიტკოვსკაიას ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.