მეგან მარკლი ყოველთვის ჯანსაღი ცხოვრების წესის მომხრე იყო. ის ყურადღებას ამახვილებს არა მხოლოდ სპორტზე, არამედ სწორ კვებასა და ჯანსაღ ძილზე. სასექსის ჰერცოგინიას დღე ადრე გაღვიძებითა და იოგაში ვარჯიშით იწყება. ის ერთსა და იმავე დროს იღვიძებს (4:15) და დარწმუნებულია, რომ ეს ხელს უწყობს ძილის ჰიგიენას.
მას ასევე სჯერა, რომ დილა არის სასიცოცხლოდ მნიშვნელოვანი დრო, რომელიც განსაზღვრავს მთელი დღის ტონუსს. რაც შეეხება საუზმეს, მეგან მარკლი ყავას სმუზით ცვლის – ის კოფეინის წინააღმდეგია. მისი ვიტამინების ნაზავი შედგება ვაშლის, კომბოსტოს, ისპანახის, ლიმონისა და ჯანჯაფილისგან.
კვირის განმავლობაში მეგანი ცდილობს დაიცვას ვეგანური დიეტა, მაგრამ შაბათ-კვირას შეუძლია ამისგან დაისვენოს. ცნობილია, რომ მეგან მარკლის საყვარელი საკვებია ვაშლის ნაჭრები ნუშის ზეთით და ზღვის მარილით, ხოლო იდეალური სადილი საშიმია (იაპონური დელიკატესი შემდგარი უმი ზღვის პროდუქტისგან, რომელიც დაჭრილია თხელი პატარა ზომის ნაჭრებად).
და თუ ვსაუბრობთ მაკარონზე, მაშინ სასექსის ჰერცოგინია უარს არ ამბობს ყაბაყის სპაგეტიზე ბოლონეზის სოუსით. ამ კერძის კრემისებრი სოუსი არ შეიცავს რძეს, მხოლოდ ბოსტნეულს, იუწყება Express-ი. რაც შეეხება ფიზიკურ აქტივობას, მეგან მარკლს ბევრი რამ აქვს საერთო კეიტ მიდლტონთან.