კუბელი მსახიობი მარიო ჩიმარო ეკრანებზე დაბრუნდა. მსახიობი სერიალში „ფარული ვნება“ ძველ შემადგენლობასთან ერთად გამოჩნდა და მეორე სეზონის გამოსვლისთანავე ყველა რეიტინგი მოხსნა.
ჩიმარო სერიალში ისევ ხუან რეიესის როლს ასრულებს, რომლის ცხოვრება შვილების დაბადების შემდეგ იცვლება. ცოტა ხნის წინ ჩიმარო სერიალის სხვა მსახიობებთან ერთად სერიალის საპრემიერო ჩვენებაზე გამოჩნდა. მას თან ახლდა უმშვენიერესი სლოვაკი მოდელი ბრონისლავა გრეგუსოვა.
გოგონა 27 წლისაა და მოდელობით არის დაკავებული. მარიო და ბრონისლავა ერთად არიან 2019 წლიდან. მედიაში ვრცელდება ინფორმაცია, რომ წყვილი მალე დაქორწინებას აპირებს.
„ინსტაგრამზე“ შეყვარებულები გამუდმებით აქვეყნებენ ერთობლივ ფოტოებს. მარიო ახლა 50 წლისაა, გოგონა კი მარიოზე 23 წლით უმცროსია.
სერიალი „ფარული ვნება“ „ტელმუნდოს“ არხზე გადის, მასში მთავარ როლებს ისევ დანა გარსია, პაოლა რეი, ნატაშა კლაუსი, ხუან ალფონსო ბატისტა და მიჩელ ბრაუნი თამაშობენ.