დღეს 2022 წლის 7 თებერვალია, ორშაბათი. მზარდი მთვარე კუროს ნიშანშია. ამ დღეს პლანეტა მთვარე მფარველობს.
მნიშვნელოვანია, მაგრამ ადვილი არ არის, გაერკვეთ თქვენს გრძნობებში. ყურადღებით მოუსმინეთ ინტუიციას. სჯობს, საკუთარ გამოცდილებასა და ჯანსაღ აზრს დაეყრდნოთ, ვიდრე სხვების რჩევებს. დღეს საკმაოდ დამღლელი შეიძლება აღმოჩნდეს, მაგრამ ეცადეთ, პოზიტიური განწყობა შეინარჩუნოთ.
ვერძი: მოსალოდნელია ცვლილებები პირად ურთიერთობებში. ბევრი საქმე გექნებათ და შესაძლოა, ახლობლებს სათანადო ყურადღება ვერ დაუთმოთ, დაარღვიოთ შეთანხმებები. დროულად განიხილეთ ვითარება, რომ პრეტენზიები და წყენა თავიდან აიცილოთ. საქმეებს მშვენივრად გაუმკლავდებით.
კურო: კარგი დღეა იმ ადამიანებთან ურთიერთობებისთვის, რომლებზეც შთაბეჭდილების მოხდენა გინდათ; ასევე მოახერხებთ საერთო ენის პოვნას მათთან, ვინც აქამდე ვერ გიგებდათ. არის დიდი ალბათობა, რომ მეგობრული ან რომანტიკული ურთიერთობები დაიწყოთ. მოსალოდნელია თანხის მიღება.
ტყუპი: გაგიჩნდებათ შესანიშნავი იდეები, რომლებიც ბევრს მოეწონება. მეგობრებთან ერთად შეგიძლიათ დაგეგმოთ ერთობლივი დასვენება, გართობა. მოგიწევთ რამდენიმე სამუშაო საკითხის გადაჭრა, რასაც შესანიშნავად გაუმკლავდებით. მთავარია, არ იჩქაროთ. მნიშვნელოვანი კითხვების პასუხები ყოველთვის ზედაპირზე არ დევს.
კირჩხიბი: არ იჩქაროთ გადაწყვეტილებების მიღება. დილით შეიძლება იფიქროთ, რომ იცით პასუხები მნიშვნელოვან კითხვებზე, მაგრამ ეს შეიძლება ასე არ იყოს. დრო გჭირდებათ, დამშვიდდით და გონება მოიკრიბეთ. კარგი დღეა ფინანსური საკითხების გადაწყვეტისთვის. აქ ენდეთ ინტუიციას.
ლომი: თუ მნიშვნელოვანი საკითხები გაქვთ გადასაწყვეტი, ეცადეთ, ეს არაფორმალურ გარემოში გააკეთოთ. ასე ადვილად შეძლებთ სხვების დარწმუნებას თქვენს მოსაზრებებში. საქმეებს შესაძლოა უფრო მეტი დრო დასჭირდეს, ვიდრე ელოდებოდით. იყავით ყურადღებით დეტალებისადმი და ყველაფერი გამოგივათ.
ქალწული: დღეს განსაკუთრებით მნიშვნელოვანი იქნება ახლობლების მხარდაჭერა. მოგინდებათ მათთვის თქვენი ეჭვების გაზიარება. კარგად ჩაივლის საქმიანი მოლაპარაკებები. სამუშაო საკითხების განხილვა დაგეხმარებათ გონების მოკრებაში, პოზიტიურად განწყობაში. მოგვიანებით მოსალოდნელია თანხის მიღება.
სასწორი: შესაძლოა, რაღაც გეგმის მიხედვით არ წავიდეს. მნიშვნელოვანია, რომ შეინარჩუნოთ სიმშვიდე, არ აჰყვეთ პროვოკაციებს და დროზე ადრე არ თქვათ უარი საკუთარ იდეებზე. სჯობს, ნაკლებად ნაცნობ ადამიანებთან პირადი ურთიერთობები და საიდუმლოებები არ განიხილოთ.
მორიელი: გამოგადგებათ იმპროვიზირების, გადაწყვეტილებების სწრაფად მიღების უნარი. იმოქმედებთ დამოუკიდებლად, მინიშნებებს არავისგან ელოდებით. მოახერხებთ რთული სიტუაციიდან გამოსვლას. თქვენი მოქმედებები ბევრის ყურადღებას მიიპყრობს. არაა გამორიცხული რომანტიკული ურთიერთობების დაწყება.
მშვილდოსანი: თუ მოინდომებთ, შეძლებთ უჩვეულო ადამიანების გაცნობას და მათთან სწრაფად დამეგობრებას. არაა გამორიცხული ურთიერთობების დაწყება, რომლებიც შემდგომ დიდ როლს შეასრულებს თქვენს ცხოვრებაში. შესაძლებელია ერთი ნახვით შეყვარება. საქმიან ურთიერთობებში დაბრკოლებებია შესაძლებელი.
თხის რქა: ეცადეთ, ხშირად გამოიჩინოთ ინიციატივა. დღეს ის ძალზე მნიშვნელოვანი იქნება როგორც საქმიან, ისე პირად სფეროებში. თქვენი იდეები ბევრს მოეწონება. დღე იმაზე დატვირთული იქნება, ვიდრე თქვენ ელოდებოდით. შესაძლოა, დრო დასვენებისთვის არც დაგრჩეთ.
მერწყული: გაგახარებთ ძველ ნაცნობებთან შეხვედრა. გექნებათ უამრავი საინტერესო თემა საუბრისთვის. ხელსაყრელი დღეა პროფესიული თვალსაზრისით. რთულ საქმეებსაც სწრაფად გაუმკლავდებით, მიიღებთ სწორ გადაწყვეტილებებს. საჭირო ნივთების ყიდვა შეიძლება, მაგრამ დანარჩენის შეძენისგან თავი შეიკავეთ.
თევზები: არ მოგერიდოთ საკუთარ გამარჯვებებზე საუბარი. ჭკვიანური თვითრეკლამა წაგადგებათ. თქვენით დაინტერესდებიან ადამიანები, რომლებზეც ბევრი რამაა დამოკიდებული. არაა გამორიცხული, მალე საინტერესო წინადადება მიიღოთ. ჩვეულ საქმეებს სწრაფად გაუმკლავდებით, ახალთან კი დრო დაგჭირდებათ.