დღეს კულტურის მინისტრი თეა წულუკიანი იუბილარია. მას დაბადების დღე მუღლემ ნუგო კაკულიამ, სოციალურ ქსელში, ასე მიულოცა: „მიყვარხარ! და ძალიან ბედნიერი მინდა რომ იყო, გილოცავ!“
გასული წლის მიწურულს თეა წულუკიანმა გადაცემა „საღამოს პოსტში“ გულახდილად ისაუბრა მეუღლეზე და აღნიშნა, რომ მასში ძალიან გაუმართლა.
„ჩემი მეუღლე ნუგო ჩემზე 9 წლით უმცროსია. ძალიან კარგი ადამიანია და ის არის ერთ-ერთი, ვისშიც ყველაზე მეტად გამიმართლა. ყველა მამაკაცს მაინც თავისი მეუღლე ურჩევნია უფრო მეტად შინ იყოს, ვიდრე გარეთ. ეს ალბათ ბუნებრივია, მაგრამ ის, რომ ეს ყველაფერი აიტანო, რასაც ნუგო იტანს, ძალიან რთულია, ამას ვაღიარებ“, - განაცხადა წულუკიანმა.
კულტურის მინისტრი საქართველოს იუსტიციის მინისტრად ყოფნის პერიოდში, 2016 წელს დაქორწინდა. ინფორმაცია თავად მინისტრმა სოციალური ქსელის მეშვეობით გაავრცელა. თეა წულუკიანმა „ფეისბუქის“ პირად გვერდზე ქორწინების მოწმობის და მეუღლის ფოტოც გამოაქვეყნა წარწერით - Voilà!
მინისტრის მეუღლე საქართველოს იუსტიციის სასწავლო ცენტრის ყოფილი დირექტორი ნუგზარ კაკულიაა. იგი სასწავლო ცენტრს 2014 წლის ნოემბრიდან 2016 წლის სექტემბრამდე ხელმძღვანელობდა. მინისტრის რჩეული მასზე 9 წლით უმცროსია – კაკულია დაქორწინებისას 32 წლის, თეა წულუკიანი კი 41-ის იყო. წყვილს ერთი შვილი - მერიკო ჰყავს.