თბილისი, 1 იანვარი — Sputnik. პენსიების ყოველწლიური ინდექსაციის ფარგლებში საქართველოში 1 იანვრიდან ასაკობრივი პენსიები გაიზარდა.
70 წლამდე პენსიონერებისთვის პენსია 20 ლარით გაიზრდება და 260 ლარი იქნება, მაღალმთიანი რეგიონების პენსიონერებისთვის – 312 ლარი.
70 წელს ზემოთ პირები 25 ლარით გაზრდილ პენსიას – 300 ლარს მიიღებენ, მაღალმთიან რეგიონებში მცხოვრები პენსიონერები კი 360 ლარს.
საპენსიო უზრუნველყოფისთვის საქართველოს ბიუჯეტში დაახლოებით 2,9 მილიარდილარია გამოყოფილი.
საქართველოში პენსიების ზრდა დაკავშირებულია კანონმდებლობასთან, რომელიც პენსიების ინდექსაციას ითვალისწინებს. პენსიების ინდექსაციის წესი 2021 წლის 1 იანვარს ამოქმედდა და ახლა ის ყოველწლიურად გაიზრდება ეკონომიკური ფაქტორების გათვალისწინებით.
პენსია 70 წლამდე პენსიონერებისთვის გაიზრდება ინფლაციის, ხოლო 70 წელს ზემოთ – ინფლაციისა და ეკონომიკური ზრდის 80%-ის გათვალისწინებით.
ამჟამად საქართველოში ასაკობრივი პენსია ეკუთვნით ქალებს 60 წლიდან და მამაკაცებს 65 წლიდან. ბოლო მონაცემებით, საქართველოში პენსიას იღებს დაახლოებით 794,4 ათასი ადამიანი, აქედან 70 წელს ზემოთ 417,4 ათასია.