ცნობილი მომღერალი დიდი ხნის განმავლობაში ფოტოებში შვილის სახეს არ აჩენდა, თუმცა ამჯერად შვილთან ერთად სცენაზე გამოვიდა და პატარასთან ერთად საახალწლო ღონისძიებაშიც მიიღო მონაწილეობა. „მთავარი არხის“ საახალწლო გადაცემის ჩაწერისას სცენაზე ულამაზესი დედა-შვილი ერთად დადგა.
სოფო ნიჟარაძემ შვილი ამერიკაში გააჩინა. ის წელიწადზე მეტი ნიუ-იორკში ცხოვრობდა. სოფომ ფეხმძიმობის პერიოდში რამდენიმე სურათი ისე გამოაქვეყნა, რომ ვერავინ მიხვდა, თუ რას მალავდა მომღერალი.
მისი Instagram-ის ოფიციალურ გვერდზე 2020 წლის 11 აპრილით დათარიღებული ფოტო დევს, რომელზეც ნიჟარაძე 7 თვის ფეხმძიმეა და მისი ცხოვრების ამ მნიშვნელოვან მოვლენას ის შარფითა და დიდი ზომის შავი ქურთუკით მალავდა.
საქართველოში დაბრუნების შემდეგ გოგონას გვარმა სოციალური ქსელის მომხმარებლებში დიდი ვნებათაღელვა გამოიწვია. მომღერალი დღემდე ბავშვის მამის ვინაობას არ ასაჯაროებს, თუმცა სოციალური ქსელის მომხმარებლების ნაწილმა აიტაცა ზოგიერთი საინფორმაციო საშუალების მინიშნება, რომ ბავშვის მამა ექს-პრეზიდენტი მიხეილ სააკაშვილია, რომელიც 1 ოქტომბერს თბილისში დააკავეს.