ამერიკიდან საქართველოში შვილთან ერთად დაბრუნებული სოფო ნიჟარაძე, როგორც მისი სოციალური ქსელის აქტივობებიდან ირკვევა, სცენას უბრუნდება და, სავარაუდოდ, რამდენიმე საახალწლო კონცერტში ვიხილავთ. მომღერალი შვილის ელის-მარია ფოტოების გასაჯაროებას ჯერჯერობით ისევ თავს არიდებს.
ამჯერად სოფო ნიჟარაძემ ფოტოსესია წითელ, სექსუალურ კაბაში მოაწყო და ფოტოები „ინსტაგრამზე“ ატვირთა. „რა ქალი გაგცვალეს ცინგლიან იასკოში“, – დაწერა კომენტარებში სოფოს ერთ-ერთმა ხელმომწერმა, რაზეც სოფომ ღიმილიანი ემოციით უპასუხა.
ლიზა იასკო უკრაინის რადის დეპუტატია, რომელმაც ექს-პრეზიდენტ მიხეილ სააკაშვილის დაპატიმრების შემდეგ სოციალურ ქსელში მასთან ერთად გადაღებული ვიდეო გამოაქვეყნა, რომელშიც სააკაშვილი ამბობს, რომ ისინი ერთად ცხოვრობენ და ერთ ოჯახს წარმოადგენენ. მალევე რადის დეპუტატი საქართველოში ჩამოვიდა და სააკაშვილი ციხეში არაერთხელ მოინახულა.
მიუხედავად იმისა, რომ მიხეილ სააკაშვილმა ციხიდან კიდევ ერთხელ გაავრცელა განცხადება მისი და ლიზას თანაცხოვრების შესახებ, ექს-პრეზიდენტის მშობლები ახალი რძლის შესახებ ინფორმაციას არ ფლობდნენ. ჟურნალისტებთან საუბრისას გიული ალასანიამ აღნიშნა, რომ ლიზა იასკოს არ იცნობდა.
მოგვიანებით ლიზა იასკომ უკრაინელ ჟურნალისტთან ინტერვიუში განაცხადა, რომ მან და მიხეილ სააკაშვილმა მაშინ დაიწყეს ურთიერთობა, როდესაც ის და სანდრა რულოვსი უკვე დაშორებული იყვნენ.