ლეონარდო დიკაპრიოსა და მერილ სტრიპის მონაწილეობით კომედიური ჟანრის ფილმი Don’t look up კინოთეატრებში 24 დეკემბერს გამოვა. უნიჭიერესი მსახიობებით დატვირთული ფილმის რეჟისორის ადამ მაკეის თქმით, დიკაპრიო მერილ სტრიპის მონაწილეობით შიშველი სცენის გადაღების წინააღმდეგი იყო.
მისი აზრით, 72 წლის ჰოლივუდის ვარსკვლავი ზედმეტად პატივსაცემი მსახიობია იმისთვის, რომ კამერის წინ გაეშიშვლებინათ. ფილმში სამგზის ოსკაროსანი მერილ სტრიპი პრეზიდენტ ჯენი ორლეანის როლს თამაშობს და ერთ-ერთ სცენაში ის შიშველია, თუმცა კი უკანა ხედითაა გადაღებული. დიკაპრიო ამ სცენის გადაღებას ეწინააღმდეგებოდა.
თავად რეჟისორმა Guardian-თან ინტერვიუში მერილი „უშიშარ“ ადამიანად დაახასიათა. „ლეოსთვის მერილ სტრიპი კინოს სამყაროში ყველაზე დიდებული ადამიანია. მისთვის ის კინოს ისტორიაში განსაკუთრებულ ფიგურას წარმოადგენს“, – თქვა ადამ მაკეიმ.