რეალითი შოუების ვარსკვლავმა კიმ კარდაშიანმა, ბოლოს და ბოლოს, იურისტის გამოცდა ჩააბარა და ერთი ნაბიჯით მიუახლოვდა ოცნებას – კალიფორნიის შტატში ადვოკატად იმუშაოს. კარდაშიანმა აღნიშნული გამოცდა მეოთხე ცდაზე ჩააბარა.
ყოველი წარუმატებელი მცდელობის შემდეგ კიმი „ინსტაგრამზე" პოსტს აქვეყნებდა და ხელმომწერებს უყვებოდა, თუ რამხელა სტრესი გადაიტანა.
„დღეს სარკეში ყურებისას სიამაყის გრძნობა დამეუფლა, ვინც ჩემი იურისტის გამოცდისთვის მზადების შესახებ არ იცის, იცოდეთ, რომ ეს ადვილი მისაღწევი სულაც არ ყოფილა", – ამბობს კიმი.
კიმ კარდაშიანს კიდევ ერთი გამოცდა ექნება ჩასაბარებელი, რის შემდეგაც კალიფორნიაში ადვოკატად მუშაობას შეძლებს. მისი თქმით, ერთ-ერთი წინა „ჩაფლავებული“ გამოცდის დროს კოვიდით იყო ინფიცირებული და ნერვიულობის გამო ავადმყოფობა უფრო გაურთულდა.